សេចក្តីថ្លែងការណ៏ជាផ្លូវការស្តីពី ត្រារបស់សាកលវិទ្យាល័យកម្ពុជា

សេចក្តីថ្លែងការណ៏ជាផ្លូវការស្តីពី

ត្រារបស់សាកលវិទ្យាល័យកម្ពុជា

ដើម្បីឆ្លើយតបនឹងការចុះផ្សាយនៅទំព័របណ្តាញសង្គមហ្វេសប៊ុករបស់សារព័ត៌មានឈ្មោះខេមញូ​(CamNews​ Facebook)​(សូមមើលទំព័រព័ណលឿងភ្ជាប់ជាមួយខាងក្រោម) ស្តីពីត្រាផ្លូវការរបស់សាកលវិទ្យាល័យកម្ពុជា។ សាកវិទ្យាល័យកម្ពុជាសូមចេញនូវសេចក្តីថ្លែងការណ៏ជាផ្លូវការមួយស្តីពីអត្ថន័យនៃត្រានេះដូចតទៅ៖

សាកវិទ្យាល័យកម្ពុជាប្រើប្រាស់និម្មិតសញ្ញា​ឬស្លាកសញ្ញាផ្លូវការរបស់ខ្លួន(រូបខាងក្រោម) ចាប់តាំងពីពាក់កណ្តាលឆ្នាំ២០១២មកម្លេះ គឺនៅពេលដែលក្រសួង អបរំ យុវជន និងកីឡា និងក្រសួង មហាផ្ទៃ បានចេញនូវសេចក្តីប្រកាសមួយពាក់ព័ន្ធនឹងការណែនាំស្តីពីការប្រើប្រាស់ស្លាកសញ្ញានិងត្រាផ្លូវការ។ សេចក្តីប្រកាសនោះបានបញ្ជាក់ថា ការបង្កើតស្លាកសញ្ញាផ្លូវការមួយគឺជាសិទ្ធិរបស់ស្ថាប័ន ក៏ប៉ុន្តែត្រាផ្លូវការត្រូវតែអនុវត្តតាមការណែនាំច្បាស់លាស់មួយ។ ចំពោះសាកលវិទ្យាល័យនានា ត្រាផ្លូវការត្រូវសរសេរឈ្មោះក្រសួង អប់រំ យុវជន និងកីឡានៅផ្នែកខាងលើ រីឯឈ្មោះស្ថាប័នវិញត្រូវនៅផ្នែកខាងក្រោម។ ចំពោះផ្នែកកណ្តាលនៃត្រាវិញត្រូវមាននិម្មិតសញ្ញាមួយដំណាងឲ្យអត្ថន័យនៃស្ថាប័ន។ ដោយសារតែ ស្លាកសញ្ញាផ្លូវការរបស់សាកលវិទ្យាល័យកម្ពុជាមិនត្រឹមត្រូវតាមលក្ខខណ្ឌណែនាំក្នុងការធ្វើត្រាផ្លូវការ ក្រសួងបានស្នើសុំឲ្យសាកលវិទ្យាល័យកម្ពុជាធ្វើការកែតម្រូវ។ ត្រាផ្លូវការរបស់សាកលវិទ្យាល័យកម្ពុជា (រូបខាងក្រោម) ត្រូវបានទទួលស្គាល់និងអនុញ្ញាតពីក្រសួងនៅថ្ងៃទី១២ ខែមេសា ឆ្នាំ២០១២ ហើយត្រូវបានប្រើប្រាស់ចាប់តាំងពីពេលនោះមក។

សាកលវិទ្យាល័យកម្ពុជាបានពិចារណាយ៉ាងហ្មតចត់ ល្អិតល្អន់ក្នុងការបង្កើតត្រាផ្លូវការថ្មីនេះឡើង និងបានសម្រេចចិត្តរចនាយ៉ាងសាមញ្ញនូវរូបផ្កាយមួយគត់ជាដំណាងឲ្យភាពល្អប្រសើរ ឬឆ្នើមនៃវិស័យសិក្សាធិការ ដែលជាការខិតប្រឹងប្រែងដ៏ខ្លាំងក្លារបស់សាកលវិទ្យាល័យកម្ពុជា។ រូបផ្កាយដំណាងឲ្យគោលបំណងរបស់សាកលវិទ្យាល័យដើម្បីក្លាយទៅជាស្ថាប័នមួយឆ្នើម ឈានមុខគេក្នុងវិស័យអប់រំនិងបន្តកែលម្អជានិច្ចកាលក្នុងនាមជាស្ថាប័នអប់រំថ្នាក់ឧត្តមសិក្សាមួយ។

សាកលវិទ្យាល័យកម្ពុជា សូមបញ្ជាក់ដ៏ច្បាស់លាស់ថា គ្មានប្រទេស ស្ថាប័នឬបុគ្គលណាមួយមានសិទ្ធិផ្តាច់មុខតែម្នាក់ឯងក្នុងការប្រើប្រាសញ្ញាផ្កាយនោះទេលើសកលលោកយើងនេះ។ ជាការពិតណាស់ និម្មិតសញ្ញាផ្កាយប្រាំត្រូវបានប្រើប្រាស់សម្រាប់ទង់ជាតិជាច្រើននៅលើពិភពលោកយើងនេះ ហើយក៏មានប្រើផងដែរនៅក្នុងស្លាកសញ្ញានៃសាសនានិងវប្បធ៌មជាច្រើន ព្រមទាំងក៏សម្រាប់បុគ្គលល្បីល្បាញជាច្រើនផងដែរដូចជា ក្នុងវិស័យសិល្បៈសម្តែង (តារាភាពយន្ត តារាប្រជាប្រិយជាដើម។ល។)។

សាកលវិទ្យាល័យកម្ពុជា មានសេចក្តីទោមនស្សចំពោះការប្រើប្រាស់វាក្យសព្ទ ពាក្យសំដីប្រកាន់ជាតិសាសន៏នៅក្នុងការផ្សព្វផ្សាយរបស់ទំព័របណ្តាញសង្គមមួយនេះ និងមិនថ្កោលទោសចំពោះការគិតប្រមាថមើលងាយបែបនេះឡើយ។ ជាការពិតណាស់ សេរីភាពនៃការសិក្សាធិការនិងសេរីភាពនៃការនិយាយគឺជាផ្នែកមួយយ៉ាងសំខាន់សម្រាប់ពិភពសង្គមនៃការគិតដោយសេរី។ ដូច្នេះ ភាសាប្រកាន់ជាតិសាសន៏ប្រភេទនេះមិនមែនជាផ្នែកមួយនៃសេរីភាពខាងបញ្ញាញាណនោះទេ ផ្ទុយទៅវិញ វាមានចរឹតបំបែកបំបាក់ប្រជាជាតិយើងជាងការរួបរួមសាមគ្គីគ្នា។ យើងទាំងអស់គ្នា សង្ឃឹមជឿជាក់ថា បុគ្គលណាម្នាក់ត្រូវបានគេប្រមាថតាមរយៈការផ្សព្វផ្សាយបែបនេះពិតជាយល់ថាទស្សនៈអគតិបែបនេះមិនមែនជាទស្សនៈរបស់សាកលវិទ្យាល័យកម្ពុជាទេ។

Original post on the CamNews.org Facebook page:

https://www.facebook.com/camnews.org/photos/a.10151967525349148.1073741827.208928654147/10153479461774148/?type=1&theater

Chancellor.

Profile | Message | Speeches

President.

Profile | Message | Speeches